Executive日記——退休仍專注運動 橫掃國際網賽壯年組  吳光正封雙料冠軍

  前九龍倉集團主席吳光正形象健康、正面。Kelly知道呢位成功嘅商人退休之後,熱愛各類運動,例如網球、遊水、滑雪同埋潛水等等。佢最近仲參加咗一個國際網球賽事,勇奪七十歲或以上組別嘅單打同雙打冠軍,認真犀利!

  七十四歲嘅吳光正參加由香港元老網球總會和香港網球總會合辦嘅「香港國際超壯年網球公開賽2021」,喺七十歲或以上男子組別中,勇奪單打同雙打冠軍,分別獲頒獎座同埋二百蚊美金。佢噚日喺三十度高溫下打幾個鐘,認真唔講得笑!

  小妹知道吳光正對於獲獎感到好興奮,而且佢每年都會參加唔同運動比賽,希望鼓勵更多長者勤做運動,保持健康嘅體魄。

  吳光正喺一五年辭任九倉集團董事局主席嘅職務,退休之後有更多時間專注做運動,小妹都好佩服佢嘅毅力!

Kelly Chu


hd