Executive日記——肚兜美女炒餸吸睛 名店斟緊下次合作

  呢排中環老字號蛇王芬成為話題,事關有一段短片喺網上瘋傳,顯示廚房內有一個美女大廚着住小肚兜拋鑊炒菜,鑊氣四溢。Kelly八卦,問過蛇王芬嘅負責人,佢話個女廚師係一次素食晚宴到來客串嘅,而個活動完咗成個月啦,仍然有好多客人問起。

  短片顯示,呢位美女一手提着大鐵炒鑊,一手拿着大鑊鏟,爆炒功夫了得,美食好吸引,但最吸睛係佢穿着露背小肚兜喺火爐前炒菜。佢名叫呂康玲(Sam),畢業於美國名牌學府哥倫比亞大學,係一位高材生,鍾意入廚,係一名素食者,間唔中會落廚炮製佳餚美食,同家人同朋友分享。

  蛇王芬負責人話,四月蛇王芬同OmniFoods合作,用新豬肉植物食材做主題,做出六道菜嘅限定晚宴,烹調具傳統風味嘅鑊氣小炒,阿Sam嚟客串,喺八晚做咗六十幾張枱,其中一晚請VIP來,估計阿Sam着得潮啲,等客人影相留念。佢話,個活動完咗成個月仲有人問,會同OmniFoods傾吓,會唔會喺沙田「四季芬芳」再搞類似素食宴,或者可能再見到阿Sam來獻藝。

Kelly Chu


hd