Executive日記——居港日本人 最愛香江高質壽司

  香港素有美食天堂嘅美譽,而港人亦出名識食。Kelly從居港日本記者得知,原來有曾經長住香港嘅日本人返回家鄉後,竟然最掛住喺香港所食嘅高質壽司。香港人對食嘅講究,令唔少外國人都好欣賞,念念不忘。

  居港日本記者甲斐美也子話,對於到訪香港嘅日本人嚟講,佢哋最感興趣嘅就係食。佢有一位喺香港生活咗二十年以上嘅朋友,返到日本生活後感歎,想返香港食美味嘅壽司。嗰位日本朋友解釋,喺日本新鮮捕獲嘅魚係立即空運去香港,但佢所住嘅城市,魚係由產地先運往東京豐洲,再經陸路運送過嚟,漁獲過咗幾日已經唔新鮮,而且種類有限。美也子認為,咁係多得相關人士經過多年努力,建立起現時嘅日本食材流通體制。另有一位喺世界各地都有分店嘅著名日本料理店廚師指,以前喺歐洲、美國、新加坡嘅分店工作時,可以搵藉口話當地距離日本太遠,所以好難買到食材,但依類藉口喺香港根本行唔通,令佢唔敢鬆懈。

  美也子話,如果你敷衍做菜,香港嘅客人會尖銳咁批評;如果菜做得好食,佢哋會明顯地表示理解及感到高興,咁就係香港人對食嘅講究以及溝通能力,讓香港嘅日本料理一直得以明確發展。Kelly亦希望疫情過後,各國朋友都可以嚟香港,品嚐各種菜餚!

Kelly Chu


hd