Executive日記——「仙氣」女車長榮升媽媽

  幾年前城巴一位女車長引來網民留意,因其年輕貌美,獲網民封為「仙氣」女車長。原來呢位女車長劉家穎喺一七年入職約一年後,已結婚及懷孕,現已榮升媽媽,Kelly都戥佢高興。新巴城巴介紹將公司有薪產假由法定十四星期,大幅增至二十四星期,都搵佢同現時懷孕五個月嘅行政助理楊健舜出嚟講感受。一向喜歡駕駛嘅劉家穎坦言當時知道懷孕,既開心亦擔心日後無法繼續駕駛工作,但公司好支持佢,畀佢暫時調職至顧客服務部,處理較輕鬆嘅失物認領及客服工作,佢話時間較穩定,懷孕過程倍感安心,亦有用公司設立嘅哺乳室。o依家佢已重返車長崗位,繼續鍾意嘅駕駛工作,網民有機會可再見到佢啦!

Kelly Chu


hd