Executive日記——台「阿公店」觸發疫情 茶室淪風月場所

  原本控疫得好好嘅台灣,近期疫情大反彈,疑與「阿公店」爆疫有關,乜嘢係「阿公店」?原來係當地嘅風月場所,疑人與人緊密接觸,觸發疫情。Kelly呼籲香港人修心養性,唔好樂極忘形。

  台灣朋友話,「阿公店」係台北市萬華嘅「特產」,前身係當地嘅老人茶室,經多年演變,O依家同地下酒家冇乜分別,甚至唔少係變相嘅脫衣陪酒酒店,陪酒小姐從老到少,從本土到外配,從陪唱到伴遊,花招百出。「阿公店」名稱嘅由來,說法不一。早年喺台北市商業中心,茶室業者搵來一批上咗年紀嘅女人陪老人家喝茶、聊天解悶,生意一枝獨秀,漸漸茶室「變色」,開始賣酒,更有經營者招攬年輕小姐陪酒坐枱,上門嘅客人年齡亦下降。萬華區嘅「阿公店」以廣州街最多,最盛時期,有兩、三百家。這幾年來,高級酒店、各種酒店等聲色場所如雨後春筍興起,拉走不少「阿公店」嘅年輕客人,搞到「阿公店」數目減少,剩低嘅亦生意清淡,顧客又回到以老人家為主,而女服務員大多年逾四十或以上,變成阿姨慰藉長者嘅場所。

Kelly Chu


hd