Executive日記——超人打完第二針 笑言「不疫樂乎」

  疫苗接種計劃開打四個月,但進度麻麻哋,到O依家十六歲以上人口只有不足兩成打咗針,政府呢排日日呼籲市民去打針,昨天李嘉誠基金會就公佈,李嘉誠已經完成接種兩劑新冠疫苗,仲話抗體指數令醫生滿意,李嘉誠話:「不疫樂乎,阿彌陀佛」,連超人都咁不疫樂乎,大家仲等乜!?

  超人先喺四月十六日喺養和醫院接種第一劑復必泰疫苗,仲喺網上公開話:「我今天打咗疫苗,你打咗未?」到五月七日,佢就接種咗第二劑,計吓數,超人體內已經有免疫力,難怪喺基金會公開嘅相片中,見到超人滿面笑容,仲係笑得好燦爛果款。基金會話,李先生已完成接種疫苗,抗體指數讓醫生滿意,佢感謝大家關心:「不疫樂乎,阿彌陀佛!」Kelly喺呢度都呼籲一吓,大家為自己健康着想,也為保障身邊嘅親友,仲幫吓香港嘅經濟,也要為全人類抗疫出力,唔好再等,喺時候伸出手臂,去打針啦!

Kelly Chu


hd