Executive日記——K11 MUSEA藝術展 Chok到行

  延續「香港藝術月」嘅風潮,K11 MUSEA首次策劃藝術盛事Art Karnival,正展出一系列享譽國際嘅當代藝術作品。最受矚目嘅巨型八點五米高玫瑰就要下月初先到港,Kelly都好期待呢朵全亞洲最高嘅玫瑰!

  展覽有六大打卡位,包括亞洲首度亮相、由德國著名女藝術家Isa Genzken創作嘅八點五米高巨型《Rose II》,作品以鋼、鋁及漆器製作,下月初矗立Victoria Dockside海濱,聽講喺港島遠眺尖沙咀海濱,都有機會望到呢朵全亞洲最高玫瑰!

  旁邊嘅喺超現實藝術裝置《Rose's Allure》,設計參照古希臘神像,公眾凡於K11 MUSEA消費滿指定金額,就可喺雕塑鼻子中採玫瑰鮮花,打造玩味藝術體驗。

  K11 MUSEA仲帶來以傳奇意⼤利家具品牌Gufram與紐約工作室Snarkitecture嘅獨家藝術聯乘,大玩軟硬材質對比,展出獨家粉紅色家具藝術作品。其他展品仲包括:日本藝術家加藤泉嘅首個青銅雕塑《無題》、世界頂尖鋼琴品牌Steinway & Sons嘅自動演奏鋼琴,同埋駐紐約當代藝術家 Dora Budor嘅《預報(上海)》,歡迎前來欣賞!

Kelly Chu


hd