Executive日記——雲頂夢號兩個航次快爆滿 郵輪Seacation抵玩過Staycation

  疫情放緩,好多朋友想遠離塵囂,所以喺天空飛一圈嘅flycation好受歡迎,而住酒店嘅staycation亦爆滿。O依家終於輪到郵輪復航啦,Kelly同朋友即時去搶位,聽聞星夢郵輪旗下嘅「雲頂夢號」頭兩個公海遊航班預訂率近九成,反應超好。原來郵輪嘅seacation喺吃喝玩樂各方面,計起嚟都比staycation「着數」好多。

  聽星夢郵輪嘅朋友講,「雲頂夢號」喺七月三十日及八月一日出發嘅首兩航班公海遊團,反應熱烈,預訂率近九成。而八月出發嘅周末航次預訂率亦達五成。該郵輪公司話,接獲好多訂單查詢,其中包括婚宴、私人企業同慈善團體包船。

  反應咁好,因為公海遊兩晚,每人收費唔使一千二百元,海景房仲包早午晚三餐免費,抵過好多四、五星級嘅staycaton,而郵輪上嘅娛樂活動多酒店好多,花樣百出,任玩唔嬲。

  「雲頂夢號」載客量為3,352人,目前只招待半數客人,暫時只開放海景露台客房同以上嘅房型予公眾預訂,並提供早鳥優惠,以海景露台雙人客房計,周三出發兩晚價格為每人港幣1188元起。

Kelly Chu


hd