Executive日記——跟主人去消防局探班 狗仔送「暖」答謝救命恩人

  狗公認係人類最好嘅朋友,唔少人亦好珍惜與狗嘅感情。Kelly見到一名女士喺網上分享,話自己之前跑跑下步,偶遇一隻被困井底嘅唐狗仔,於是搵嚟消防員幫手救起佢。其後,嗰位女士帶咗狗仔番屋企收養,畀佢一個溫暖的家。女主人最近帶狗仔去消防局,答謝救起狗仔嘅消防員,仲畀咗份「厚禮」消防員哥哥,充滿愛之餘又好搞笑啊!

  女網民喺社交媒體facebook分享,話自己之前跑步個陣,聽到狗吠聲,發現一隻唐狗仔被困沙井底部,於是報警求助。消防員接報之後爬落井底救起狗仔,女網民事後決定收養狗仔,幫佢改咗個名叫「阿井」。

  女主人之後帶住「阿井」去到消防局探救命恩人,「多謝呢班出心出力的消防員哥哥」,仲分享咗幾張相,影住消防員好窩心咁抱起「阿井」,「阿井」個樣仲好驚青,「見到消防員哥哥情不自禁咁瀨咗尿,醜死怪!」引起唔少網友大笑。同時有好多人留言多謝消防員嘅付出:「好有愛嘅消防員叔叔。」「我哋香港嘅消防員最棒!」

Kelly Chu


hd