Executive日記——林鄭愛將 負責公關同宣傳 政助吳璟儁傳過檔西九

《星島日報》噚日獨家報道,特首林鄭月娥去年底借調「愛將」馮程淑儀,出任西九文化區管理局署理行政總裁一職。據早前署任安排,佢半年署任期喺前日屆滿,並向員工發電郵道別。不過,馮太或者短暫告別西九,因西九管理局就行政總裁一職作全球遴選,佢係大熱人選之一。據Kelly八卦到,林鄭另一愛將、政制及內地事務局政治助理吳璟儁將加入西九管理局,負責公關同宣傳嘅工作。

據好多官場獨家消息嘅《星島》報道,馮太同西九短暫道別之餘,亦離開咗公務員系統,正式開始退休前休假。

  由於佢係西九管理局行政總裁職位嘅大熱人選,有人笑言,佢現時係「過冷河」,預料大有機會重返西九管理局。

  同一時間,Kelly收到風,話喺反修例事件期間,林鄭舉辦「社區對話」上,擔任主持嘅吳璟儁亦係林鄭嘅愛將,據聞,佢會離開政制及內地事務局,大約三個月後加入西九,擔任公關及宣傳嘅職責,睇嚟林鄭真係好關心西九文化管理局噃!

Kelly Chu


hd