Executive日記——大學生實踐創業夢始於揀科 三位大學領袖接力登場談創科

  早前有數碼港、科學園及創科局三位猛人分析創科新形勢後,好多學生都話對創科行業認識深咗,同埋有興趣揀STEM、創科相關嘅科目,甚至希望攞多啲創業貼士,畢業後可以一展抱負晉身Start-up界!

  想知多啲大學方面有咩支援,咁就唔好錯過接住落嚟嘅「六大科技猛人教路系列」Part 2喇,因為中大副校長陳偉儀教授、城大副校長楊夢甦教授,以及科大(廣州)創校校長倪明選教授等三位大學領袖,由今個星期起,連續三星期逢周二、五下午三點正接力登場,除咗講解創科大勢下嘅選科策略外,仲會分享三間大學點樣支援學生鋪路創業,仲幫學生分析點樣喺創科資源充裕嘅大灣區實踐創業夢,更有校長分享年輕時嘅創業經驗,畀學生作為參考。只要有好嘅點子,幾時都係創業嘅黃金機會!你都想捉緊黃金機會?咁就絕對唔好錯過喇!

Kelly Chu


hd