Executive日記——智慧能源創新大賽 最高獎金百萬美元

  中華煤氣一直致力推動可持續發展,同國家電投昨天喺北京及香港聯合主辦,主題為「尋找零碳科技新力量」嘅首屆智慧能源創新大賽(TERA-Award)啟動禮,向全球能源創業團隊徵集創新項目,令更多創新技術得以盡快應用,協助能源行業進行綠色轉型!

  中華煤氣主席李家傑(見圖)喺啟動禮上表示:「碳達峰、碳中和嘅『雙碳』目標係國家嘅重大戰略,能源技術進步及創新既喺推動能源革命及能源轉型發展嘅根本動力,亦係實現『雙碳』目標嘅關鍵驅動力。今次大賽,唔單止為獲獎者提供豐厚獎金,更重要係為創業者搭建互通有無嘅開放平台,提供落地場景,推動智慧能源,創新技術快速走向實踐。」

  今次比賽獎金豐富,獲獎項目團隊最高可獲一百萬美元!大賽即日起接受各國科研小組或初創公司報名(網址:www.tera-award.life),地域不限,截止日期為今年八月三十一日,大會將於本月二十九日舉行網上簡介會,歡迎有興趣人士登記參加。

Kelly Chu


hd