Executive日記——迪士尼「奇妙3+1」團票 一日門票買三送一

  限聚令放寬,Kelly同一班好朋友繼續注重個人衞生,但經常相約去鬆一鬆,香港迪士尼樂園度假區戶外音樂派對《迪士尼尋夢奇緣》即將登場,就啱晒我哋啦!喺正式登場前,樂園發佈從未曝光相片,等市民率先感受下派對帶嚟嘅奇妙感覺。

  樂園亦同時推出系列優惠,由本月三十日起,香港居民可專享「奇妙3+1」團票優惠,享一日門票買三送一,齊齊「三朋」變「四友」,喺非公眾假期嘅星期一至五入園遊玩。Kelly覺得機會難得,大家不妨趁住將臨嘅暑假,同朋友家人入園,欣賞下奇妙嘅音樂會。

  如果只玩一日未夠盡興,入住香港迪士尼樂園酒店或迪士尼探索家度假酒店嘅市民,昨日起至九月二十八日,只要預訂酒店住宿兩晚以上,就可享實時房價七折。迪士尼探索家度假酒店仲特別喺七月十五日至八月二十九日期間每日開放,透過感受酒店四大主題庭園、海景泳池同康樂活動,相信市民有如置身外地,遠離煩囂。

Kelly Chu


hd