Executive日記——星島教育DSE放榜全攻略 升學專家助攻 入U無難度

  DSE就快放榜,雖然放榜已經係N年前嘅事,但想當年放榜前都壓力好大,驚自己唔夠分升學,成晚都瞓唔着,所以見等緊DSE放榜嘅姨甥女侄女驚成績不似預期,入唔到U,都戥佢哋緊張!為咗幫佢哋做好準備,Kelly即刻推介佢留意星島教育facebook等星島四大教育平台推出嘅「星島教育陪你倒數 DSE放榜全攻略」,請嚟兩大升學專家由七月十二日起一連六集為考生集氣!

  頭三集有學友社學生輔導顧問吳寶城講解放榜Do & Don't,講解Band A排位策略,成績掹車邊又點樣睇分改JUPAS排名、趕上入U尾班車?等考生提前做好準備!之後三集就有香港輔導教師協會幹事鍾淑婷登場,講解唔同院校嘅收生差異,等考生掌握優勝科目,仲會講吓高分尖子點樣喺選科突圍,同埋邊緣分數考生有咩多元升學選擇等!

  星島教育版同時仲推出「聯招課程之尖子之選」專題系列,精選十大熱門、新興或被喻為神科的課程,助你洞悉選科最新形勢,全方位部署入U!各位考生,記得鎖定星島教育facebook及星島網嘅教育版喇!

Kelly Chu


hd