Executive日記——羅致光自稱「n流」泳手

  勞工及福利局局長羅致光除咗出名IQ高外,Kelly亦知道佢好鍾意游水,佢喺一八年便曾參加維港泳。而佢昨日喺網誌亦講到奧運令人期待,仲笑指有時都會自稱曾係一位運動員,或是「n流」泳手。

  羅致光話對於喜歡及支持運動發展嘅人,奧運總是令人充滿期待和興奮,佢最深印象仍是一九七二年奪得七面游泳金牌嘅史畢茲,曾重複睇咗多次佢水中泳技錄影片,從中「偷師」;二○○四年喺上海睇劉翔喺雅典奧運中百一欄決賽中奪金等難忘片段。佢希望國家同香港運動員喺今屆奧運中有好成績,為年多抗疫帶來多些喜訊。

  佢又話中學時參與最多嘅運動就係游泳、體操、羽毛球等,有時更會參與籃球、排球、足球及田徑比賽。佢又話,人生第一次搭飛機,就係到耶加達參加四角大學運動會。時至今天,有時都會自稱曾係一位運動員,或是「n流」的泳手。渣馬都計劃喺十月復辦,Kelly都希望今年再有維港泳,屆時或再有機會見到局長上陣。

Kelly Chu


hd