Executive日記——朝朝攞《頭條》捧場16年 「開心尋尋」中獎者好驚喜

  全港no.1嘅《頭條日報》創刊嘅十六周年,上周舉辦「開心尋尋」遊戲,被本報攝影師影到拎《頭條》嘅讀者,獲獎五百蚊,中獎者揭曉啦,佢哋都對自己中獎覺得好驚喜,仲大讚《頭條》新聞詳盡、娛樂資訊豐富,有人仲話由《頭條》創刊嗰日,十六年來一直支持,每朝必睇,係《頭條》嘅鐵粉!

  每朝喺中環港鐵站外必定要拎一份《頭條》嘅鄭小姐,大讚《頭條》啲新聞好詳盡,睇完就知道全世界發生咩事,佢仲對評論文章讚口不絕,認為觀點獨到,啟發佢從唔同角度去思考時事。

  喺觀塘拎《頭條》嘅Flora亦好開心中獎,佢話自己差唔多由《頭條》創刊第一天,就一直有支持,日日都睇,大讚發行網好,拎得好方便,仲勁讚《頭條》內容好啱睇,新聞豐富,娛樂新聞「好多料」。Flora祝《頭條》蒸蒸日上,繼續報多啲新聞畀大家知。

  Kelly多謝大家對《頭條》嘅支持,《頭條》會繼續努力,做到最好,為大家提供更多更多新聞、娛樂、財經等嘅優質資訊!

Kelly Chu


hd