Executive日記——隻身赴美攻讀 全賴母親500美金積蓄 段崇智分享求學經驗 勉勵學生選科應隨心

  文憑試放榜在即,又係年輕人決定求學路途嘅重要日子。中文大學校長段崇智就分享自己年輕時嘅抉擇,就係聆聽自己個「心」,佢隨自己心意,隻身去美國半工半讀,修讀化學,難得媽咪好支持佢,仲為佢訂咗一張單程機票,鼓勵兒子勇往直前,不要退後。

  段崇智話,相信唔少同學會為升學同選科而煩惱。佢透露,記得當年佢完成公開試後,冇跟隨大部份同學喺本地大學升學,或選擇熱門同就業前景明確嘅專業學科,反而決定隻身遠赴一所推崇博雅教育嘅美國院校修讀化學,半工半讀,仲喺課餘鑽研自己喜愛嘅科學實驗同學習音樂。

  佢希望給予各位同學嘅選科攻略,就係用「心」去選吧 ! 閉上眼睛,聆聽自己嘅心聲,想像自己嘅前路,哪個方向才是你最嚮往嘅,那就係答案。佢亦十分鼓勵各位家長同老師,多聆聽子女及學生嘅心聲,因為大家嘅支持係年輕人最強嘅後盾。佢仲話,自己細個嘅時候,家境唔富裕,當年母親知道佢決定要到美國升學,不但冇質疑,仲為佢訂咗一張單程機票,並將辛苦儲來嘅五百蚊美元積蓄交到佢手上。段校長話,呢份無聲卻充滿慈愛嘅支持,一直鼓舞着佢堅定地追求理想及克服種種困難。

Kelly Chu


hd