Executive日記——昂坪360劉偉明應邀響頭炮 書展兒童天地講故仔 有問有Fun

  書展去年因為疫情無奈暫停一年,今年做足防疫措施後,終於可以重新舉行。Kelly知道昂坪360董事總經理劉偉明Andy,就應邀為書展嘅兒童天地「名人說故事」環節打響頭炮,原來佢講故仔有一手,一班小朋友都聽到好入神。

  貿發局每年均會喺書展唔同展館,舉辦各式工作坊同講座。而喺兒童天地嘅「名人說故事」環節,第一日就率先邀請Andy講故事!佢分享一本叫《再見小樹林》嘅故事書,主旨係希望人類好好珍惜森林呢片綠,唔好任意破壞環境,喺發展基建同時,要緊記懂得珍惜、堅持同愛護環境。

現場答中問題有獎

  佢鼓勵大朋友同小朋友,趁假期把握機會到郊外走走,享受同珍惜呢個大自然同咁靚嘅香港,藉此享受同家人朋友玩樂嘅美好時光!現場亦有唔少家長坐定定聽Andy分享,全場座無虛席!小朋友們都聽得津津有味,仲好踴躍舉手發問同答問題,反應非常熱烈!

  最後,Andy即場送上纜車門票畀現場答問題嘅觀眾,感謝佢哋出席支持,亦希望佢哋能趁暑假坐纜車體驗,亦趁昂坪市集舉行同寶礦力合辦嘅運動嘉年華,一齊揮灑汗水。

Kelly Chu


hd