Executive日記——《清夜捫心》出爐粉絲多 清洪新書簽名會 法律界名人齊撐場

  有「金牙大狀」美譽嘅資深大律師清洪,喺疫情空檔期間撰寫咗一本書籍《清夜捫心》,講述年幼、成長同如何選擇修讀法律嘅來龍去脈,並由前律政司司長袁國強同前刑事檢控專員江樂士為此書寫序。清洪噚日喺會展舉行簽名會及書會,好多法律界名人撐場。

  清洪喺法律界地位顯赫,佢出新書,圈中人齊來支持,包括立法議員梁美芬、前刑事檢控專員江樂士同太太、退休裁判官黃汝榮、退休懲教署處長林國良,同埋藝人陳展鵬夫婦,仲有一班徒弟徒孫來撐場。另外,退休上訴庭法官胡國興同兒子、清洪兩個契女莊思敏同莊思明亦來捧場。

  喺新書分享會上,江樂士細訴早於一九七八年認識清洪大狀。主持盧敏儀提問身為前刑事檢控官嘅江樂士,為何不外聘清洪擔任檢控工作時,江樂士笑言清洪收費太昂貴。另外,拿督謝清海亦係清洪新書分享會嘅嘉賓。《清夜捫心》有好多粉絲,噚日好多人排隊等清洪簽名。

Kelly Chu


hd