Executive日記——《頭條》16周年微短片挑戰引發全城狂熱 冠軍獨得$10,000百貨現金券

  上星期講起《頭條》十六周年推出「傳承送祝福」創意手機微短片有獎大挑戰後,聽講工作人員已經收到勁多創意短片,而且相當有誠意,一啲都唔Hea,Kelly睇到啲精選短片,水準好高,好多參賽者都勁認真準備,有人出動大量派對道具,甚至自製生日賀卡,亦都有人孖住閨密施展創意兼默契,仲有男參賽者運用虛擬道具加創意動作,營造生日氣氛,真心抵讚!不過最估唔到嘅係,竟然有小朋友參與呀,搞到Kelly都好想玩埋一份,加上仲有超過五百份獎品咁吸引,冠軍仲可以獨得$10,000百貨公司購物現金券O添,諗諗吓,趁住仲有五日先截止,不如孖埋好姊妹一齊參加,話唔定贏埋「最佳團隊大獎」,拎埋$10,000旅遊電子禮品卡O添!如果你哋唔想錯過發揮創意機會,就快啲Scan QR Code睇示範短片攞貼士啦!

Kelly Chu


hd