Executive日記——譚仔「麻辣汁烤雞炸醬撈米線」一吃上癮

  炎炎夏日當然要炮製新意思,譚仔即日起推出全新嘅「麻辣汁烤雞炸醬撈米線」,等大家唔使嗌「走湯」,自創撈米線。同時新出嘅兩款夏日特飲,包括酸甜有致、解辣醒神嘅「凍海鹽柚子樂」,同埋味道清新,清熱祛濕嘅「青檸綠豆薏米冰」,真係最佳消暑拍檔,飲一杯立刻暑熱全消!

  Kelly知道,全新嘅「麻辣汁烤雞炸醬撈米線」有譚仔招牌炸醬,同埋嫩滑多汁嘅厚切雞件,再加上惹味開胃嘅酸菜,堪稱黃金鐵三角組合,最後以秘製麻辣醬汁再撈勻彈牙爽口的米線,每一啖都帶來滿腔的麻辣滋味,令人一吃上癮!麻辣醬汁預設辣度為五小辣,嗜辣嘅朋友更可以隨自己口味提升辣度,齊齊「撈」出新食法!

Kelly Chu


hd