Executive日記——精英健兒付出多 每月獲資助津貼

香港「劍神」張家朗早前喺東京奧運男子個人花劍賽,攞到香港史上第二面金牌,「女飛魚」何詩蓓就分別喺一百同二百米自由泳攞到兩面銀牌,兩個都為香港體育寫下新嘅歷史。佢哋身為精英運動員,每月會獲多少津貼呢?Kelly見到當局嘅「精英訓練資助計劃」,由於張家朗同何詩蓓一直表現好,名列入計劃之中,而計劃分等級,以「精英甲+」類別為例,每月可獲津貼分開全職標準或者額外津貼,前者每月可獲四萬一千○三十元資助,後者每月就可獲四萬八千二百四十元,對表現咁好嘅運動員來說,真係完全值得畀。由於津貼屬私隱,所以體育學院不會公開每人詳情,並每年按各健兒成績檢討一次。

Kelly Chu


hd