Executive日記——賀大熊貓安安35歲生日 海洋公園推主題購物優惠

  海洋公園第一代大熊貓安安,將於今個月滿三十五歲,相等於人類約一百零五歲,係全球人工飼養環境下最長壽嘅雄性大熊貓。大熊貓樂樂及盈盈亦將於月中滿十六歲。海洋公園昨日特意為三隻大熊貓舉辦生日慶祝活動,並會推出一系列期間限定嘅大熊貓主題美食及購物優惠。

  園方特別用咗三隻大熊貓最愛嘅食材製作,包括竹子、番薯、胡蘿蔔、香蜜梨、富士蘋果等,設計色彩鮮艷嘅冰蛋糕,蛋糕頂部亦寫上各自嘅名字和歲數。

  公園表示,盈盈自上月下旬出現典型嘅妊娠徵狀,但不排除是假懷孕所致,團隊會繼續密切觀察盈盈嘅賀爾蒙水平及行為變化。「大熊貓之旅」展館現正暫停開放,等護理員更專注照顧大熊貓。

  至於喺八月期間,各位可在公園「海濱禮品廊」及「熊貓禮品店」以優惠價購買指定大熊貓毛公仔,並以七折優惠選購指定大熊貓主題手提包。

Kelly Chu


hd