Executive日記——李靜連爆金句 做乒乓界「黎明」

  香港乒乓女團喺東奧勇奪銅牌,為香港締造歷史,幕後功臣非教練李靜莫屬,佢仲喺女團晉級過程中屢爆金句,變成乒乓球界嘅「黎明」,等Kelly同大家欣賞李靜嘅口才。

  喺港女團四強賽負於日本後,李靜賽後強調港女將「膽怯」輸波,建議佢哋睇多啲鬼片,「我諗睇多啲鬼片喇,膽生毛就有夠膽贏」,仲鞭策各人要放膽進攻先會贏,「夠膽出手先夠膽贏」。

  喺黃鎮廷/杜凱琹在混雙八強負於法國後,李靜又有金句:「波就一場場打嘅,飯就一啖啖食。」勉勵球員比賽已成過去,寄望繼續下去,未來爭取更好嘅成績。

  其實李靜嘅發言,一向精警,所以傳媒總愛引用,好似佢以往接受傳媒專訪時,講到教練與球員相處之道,「無論(球員們)點樣任性、點樣調皮,我哋都包容下佢哋。」盡顯教練嘅初心,就係「教好球員」。仲有,佢仲咁樣激勵球員,「有機會就唔好放過,放過咗之後就永遠冇機會。」小妹覺得應用係人生嘅方方面面都啱。

Kelly Chu


hd