Executive日記——炮台山東岸公園9‧25啟用 有巨型打卡位!

  政府之前啟動海濱城市設計研究,喺港島北興建海濱長廊,炮台山嘅東岸公園就會喺今個月二十五日啟用,其中展出嘅巨型字體藝術裝置「VICTORIA HARBOUR」,市民可以走入裏面影相留念,勢會成為新嘅「打卡」熱點,等Kelly到時都去影返幅靚相!

  巨型字體藝術裝置「VICTORIA HARBOUR」由年輕建築師黃鋈暉和林熹敏創作,早前贏得維多利亞港字型藝術裝置設計比賽獎項。二人以中國傳統窗框,以及屏風工藝作為靈感,利用空心設計勾劃出維港的英文「VICTORIA HARBOUR」,鼓勵公眾走入作品。

  呢個裝置長約四十米、高約三米,喺海港內都可以清楚見到,等東岸公園啟用後,遊人既可以可坐喺上面,亦可以企喺裏面「打卡」影相,同裝置互動共融。而且,十五個粗體字型嘅英文字母仲會發光,呈現出典型嘅維港夜色,真係好浪漫。

Kelly Chu




hd