Executive日記——設170份大獎 頭獎獲10萬 星島百萬大抽獎鼓勵員工打針 同事興奮見證幸運兒誕生

  星島新聞集團為鼓勵員工接種新冠疫苗,推出總值一百萬元嘅大抽獎,頭獎幸運兒獲十萬元現金、二獎有五萬元、三獎有一萬五千元,仲有過百個五千元嘅關愛獎,所有已打兩針嘅同事都可參加,真係好積極又有心。抽獎活動上周五喺星島新聞集團大廈地下大堂舉行,有好多同事到場見證幸運兒嘅誕生,得獎者都喜出望外。

  星島推出「員工接種新冠疫苗百萬大抽獎」,只要喺八月底前打齊兩針,又登記咗嘅全職員工,就可以參加抽獎,獎品多達一百七十份,包括一份高達十萬元嘅頭獎、一份五萬元嘅二獎、一份一萬五千元嘅三獎,關愛獎更多達一百六十七份,每名可獲五千元。

  抽獎喺上星期五中午舉行,由星島新聞集團首席執行官蕭世和(左二)、首席運營官蔡晋(左一)及首席財務官鄭威(右)主持大抽獎。唔少同事都到出席抽獎儀式,見證各幸運兒嘅誕生,大家情緒都好高漲,得獎者更加興奮萬分。有同事同Kelly講,睇住抽獎嘅過程,仲刺激過對六合彩號碼。小妹數吓手指,獎品有咁多份,以參加大抽獎嘅同事人數計,真係有三分一機會中獎㗎!

Kelly Chu


hd