Executive日記——智能交通機械人執法駕駛者無得「偷雞」

  相信唔少駕駛者都試過,見附近無警察在場,就「偷雞」違反交通條例。不過,港島總區交通部成功研發智能交通執法機械人,檢視路面交通情況並記錄交通違例事項,成為不負責任駕駛者嘅剋星。

  港島總區交通部早前參與由政府資訊科技總監辦公室舉辦嘅促進機械人科技應用創新比賽,並成功以智能交通執法機械人方案,榮獲優異獎。人員研究以高清攝錄鏡頭配合人工智能程式,檢視路面交通情況並記錄交通違例事項,例如違例喺雙黃線、巴士站及黃格停留嘅車輛。

  Kelly知道,呢個機械人好叻,喺六月於灣仔及東區一帶進行概念驗證,成功辨認九成喺筲箕灣道嘅違例車輛。港島總區交通部高級警司葉小明話,機械人嘅路面測試成功,而系統亦能不斷自我學習以提升準確率,可以對不負責任嘅駕駛者產生阻嚇作用!

Kelly Chu


hd