Executive日記——沙田食店沖特飲 高佻美少年勁吸睛

  最近幾個鍾意美食嘅朋友,都不約而同傳咗一個小鮮肉嘅相片俾Kelly,話呢個美少年喺沙田新城市廣場一間食店門口負責沖特飲,吸引咗好多女士圍觀。

  咁啱小妹周末行經沙田,一於去看過究竟,喺「四季芬芳」有發現,佢叫「阿健」,身材高佻,樣子有啲似韓星,有型有款。佢唔止個樣得,沖特飲仲有一手,名作係一款叫「鴨屎香手打香水檸檬茶」嘅特飲,以西洋檸檬茶加上來自南海嘅香水檸檬,配上高山老茶樹鴨屎香茶,酸酸味味,帶特殊香氣,係酷熱中嘅清新飲品,一飲上癮。大家去呢間中環過百年老號蛇王芬嘅年輕版歎美食,記住欣賞下佢嘅沖特飲手勢。

Kelly Chu


hd