Executive日記——「逆流院長」陳家亮 暢談「打不死」精神

  《駿步人生》有一篇專訪,由客席主持、馬會慈善及社區事務執行總監張亮訪問中大醫學院院長陳家亮,揭開這名屋邨仔發憤圖強嘅故事,好勵志呀。陳家亮話自己係電影發燒友,荷里活電影《洛奇》(Rocky)喺一九七六年上映時,佢剛升上中學,電影打動佢嘅係有血有肉嘅對白,仲有應對殘酷現實嘅「打不死」精神。

  陳家亮話,《洛奇》其中一句對白:「生活不在於你出拳可以有多重,在於你可以承受幾多重拳而往後仍能繼續撐下去」,一直係他人生嘅座右銘。

  佢喺牛頭角屋邨長大,父親係的士司機,就讀屋邨附近小學。「我告訴自己,我兩袋空空,不怕輸。無論現實如何打低我,我都能站起來。」考進中文大學醫學院,苦讀的日子,同學稱呼佢做「崇基燈塔」,因為佢經常挑燈夜讀,最後以一級榮譽畢業。佢對醫學有莫大嘅熱誠,「只要我一息尚存,腦袋還會轉,行醫是一份令我有莫大動力的終身職業。一生一世。」佢理想係幫助病人活得更有意義,真係仁心仁醫,Kelly勁like!!

Kelly Chu


hd