Executive日記——昂坪360早鳥優惠 纜車門票低至36折

  呢排熱之中開始有秋意,係時候登高,咁去昂坪360啦!俾Kelly發現佢哋官網推出咗限時嘅早鳥優惠,即日起至今年九月三十日中午十二時,大家可透過昂坪360官方網站,喺到訪日最少一日前網上預購指定來回纜車門票,即享低至三六折嘅超值優惠,特惠纜車門票嘅使用期超過三個月、由二一年九月十六日至二二年一月二日止,期間公眾假期都適用,等大家可以自由上山玩。

  同時,昂坪360係今年第四季將舉辦連串精采活動,包括秋日戶外遊藝會、聖誕節日慶祝活動等,適合家庭同親朋好友共度周末假期;另外,位於昂坪市集、全港首個以「纜車」為主題嘅展覽館「纜車探知館」開幕,館內設八大展覽體驗區並融入STEM元素,俾大家互動,以昂坪纜車為本介紹基本科學理論,大人小朋友都會學到好多新知識。

Kelly Chu


hd