Executive日記——下月回歸 十個景點 哈囉喂全園祭 20周年「驚」喜新玩法

  十月又到萬聖節,海洋公園「哈囉喂全園祭」下月一至三十一日回歸,Kelly知道佢哋以「新常態•玩過界」為主題打造十個景點,為遊客帶嚟「驚」喜新玩法,齊齊慶祝哈囉喂二十周年!

  公園「怡慶坊」將變身「二十周年追魂館」,展示逾二十三款以中國、日本、墨西哥及西方設計為靈感嘅服裝,並把中國鬼王地府還原。海濱樂園廣場就將變成詭秘嘅「南神莊園」,南瓜拱門入口後,有近五米高嘅莊園主人「南神」恭迎大家!

  「香港老大街」會回到六十年代嘅老大街,根據冤魂提供嘅破案線索,甚至與魔鬼進行交易,協助緝兇。各式妖魔鬼怪會傾巢而出,包括「黑暗幻影」燈光特效表演、「陰濕奪寶」等。

等你歎搞鬼「屍房菜」

  遊客亦可到特選小食亭或餐廳享用「屍房菜」。

  公園亦推出景點追加門票,額外畀二百八十蚊,即可無限次進入哈囉喂景點「屍襲逃亡」、「鬼上身事件簿」等。咁多搞鬼玩意,Kelly都想同朋友一試膽量啊。

Kelly Chu


hd