Executive日記——阿SIR夥義工中秋有禮

  中秋節除咗賞月,亦可送暖。Kelly八到葵青警區聯同少年警訊等人,早前到青衣一間老字號餅家學整月餅,阿sir同班有心人點解要整餅?原來為咗送畀老人家。

  Kelly知道葵青警區指揮官謝振中喺上個禮拜,同當區少年警訊及耆樂警訊成員,去老字號「大歡喜餅家」體驗用傳統手工製作月餅過程。呢間餅店製作一系列嘅懷舊月餅,例如鴨膶月、伍仁鹹肉月、蛋黃雞油月等。

  佢哋噚日到訪長康邨,向長者送贈部份親手製作嘅傳統月餅,包括雙黃蓮蓉及少糖豆沙月餅,畀老人家一邊賞月,一邊試吓特色月餅應節。

Kelly Chu


hd