Executive日記——贊助選美 弘揚中華文化 中藝孔雀藍旗袍 由三港姐優雅演繹

  Kelly鍾意睇香港小姐選美比賽,其中一個原因,係睇到穿著旗袍嘅美態。小妹知道中藝(香港)有限公司繼上世紀八十年代以來,再度同TVB合作,贊助「2021香港小姐競選」旗袍,成就一次弘揚中華優秀傳統文化嘅盛事。

  九月十二日晚全城矚目嘅「2021香港小姐競選決賽」喺將軍澳電視廣播城舉行,十二位決賽佳麗競逐冠、亞、季軍嘅榮銜,最終由宋宛穎、梁凱晴同邵初奪得三甲桂冠。作為今次選美大會指定嘅專用旗袍贊助商,中藝特別為佳麗量身定製華美嘅旗袍。中藝話,喺呢次亮相嘅旗袍,每一處細節都傾注咗設計師嘅精巧構思,每一道舒展嘅紋理都係匠心嘅凝聚,旗袍採用時尚嘅剪花面料,以典雅嘅孔雀藍,彰顯時尚高貴典雅嘅當代潮流,並以貼近經典嘅形制與剪裁呼應大會的古文明主題。

  喺上周五,中藝特別邀請香港小姐三甲佳麗到中藝灣仔旗艦店,舉行「中藝2021香港小姐頒獎典禮暨中華文化推廣大使委任儀式」,三位佳麗再次身穿中藝特製旗袍展示經典旗袍風尚,推廣和弘揚中華優秀傳統文化。

Kelly Chu


hd