Executive日記——市民逼爆大澳嚇怕街坊 花燈節中秋將不亮燈

  中秋節前夕,大澳水鄉花燈節亮燈,吸引咗大批市民入去打卡,一時間逼爆大澳,大澳居民都怕怕,花燈節主辦方即時宣佈,中秋節、中秋節翌日等日子將不會亮燈,以顧及大澳居民嘅感受,但昨日仍然有好多人湧入大澳。

  東涌站巴士總站昨午高峰時候,都有人排隊等候前往大澳嘅巴士,有排隊嘅情侶指,一早計劃去大澳遊玩,睇唔睇花燈都可以,但會視乎人潮決定會唔會提前返回市區,希望減少對當地街坊嘅影響。花燈節主辦方「大澳非茂里」喺一八年中秋節首次喺大澳吉慶街掛上手繪燈籠,令大澳洋溢濃厚節日氣氛。活動來到今年第四年,有二千五百盞手繪花燈懸掛喺大澳嘅大街小巷。就近日有大批賞燈嘅市民逼爆大澳,「大澳非茂里」凌晨宣佈,中秋節、中秋節翌日將唔會亮燈,為需要回大澳與家人過節嘅大澳人一些空間;下周一及二亦會暫停亮燈,讓大澳居民喺周末勞碌過後可以休息一下;而亮燈位置都有調整。

Kelly Chu


hd