Executive日記——財爺手舞足蹈 預告第二期消費券快到

  第二期電子消費券喺下月一日發放,財政司司長陳茂波喺社交網站發佈名為《消費預告》嘅音樂影片,改編自已故歌手陳百強歌曲《戀愛預告》,提醒市民好快就收到第二期消費券款項,可以繼續開心消費。

  影片由財政司長辦公室職員參與拍攝,每人表演諧趣鬼馬。影片一開頭,就顯示歌名「《消費預告》;『伍千文』編曲;『容義用』填詞」,風格十足十八十年代嘅音樂錄像。期間一把年輕女聲唱到:「買鞋也有苦惱,能否不找數?」「看看我手袋似是季尾model,何時換有jetso?」其後又形容:「阿爸常說想加餐餸……就在今日消費券面世,book buffet搵節目!」「阿嫲常說想搵焗爐,但不想找數……但願今後消費券面世,可換多幾個鑊。」最後片尾,財爺仲粉墨登場,提醒市民下星期五就收到第二期消費,而且同演員一齊大跳開心舞步,展現自己活潑一面!

Kelly Chu


hd