Executive日記——砵蘭街休憩花園變身夠晒Pink

  油尖旺區砵蘭街休憩花園完成翻新工程,變身為迷人Pink公園,今日中午十二時起重新開放給公眾使用。翻新後嘅花園,一部份以保留原有佈局作翻新,另一半地方則以新面目見街坊,從椅子、地面、指示牌、柱、枱,甚至象棋棋盤,都換上搶眼嘅粉紅色,設計新鮮前衛,令場地煥然一新,一定吸引一班潮人同Like Pink之人打卡!

  康文署聯同建築署、政策創新與統籌辦事處及信言設計大使嘅年輕設計師,為花園進行設施翻新工程,喺改善花園環境嘅同時,亦鼓勵使用者互相交流,令花園變成凝聚社區嘅聚腳點。同時,康文署正喺中西區嘅山道天橋休憩處,及即將係油尖旺區嘅咸美頓街休憩花園進行相關翻新工程,希望為人流眾多嘅小型戶外康樂場地注入創新設計和藝術元素,改善舊有嘅公共空間,Kelly都非常期待呀!

Kelly Chu


hd