Executive日記——京士柏氣象站獲認證 全球首個百年高空觀測站

  天文台全年無休預測天氣,對市民出行,相當重要。Kelly收到一個好消息,位於京士柏嘅天文台高空觀測站,喺今年六月獲世界氣象組織認證,為全球首個獲認證嘅百年高空觀測站,認真威水!

  從二○一七年開始,世界氣象組織透過認證機制,表揚世界各地維持優質氣象觀測並妥善保存歷史資料及長期觀測數據嘅氣象站。長期氣象觀測對記錄及分析地球氣候變化都十分重要,有助推動氣候研究發展。至今,約有三百個具百年或以上歷史的觀測站獲得世界氣象組織認證。

  位於京士柏嘅天文台高空觀測站,就喺今年六月獲世界氣象組織認證,為全球首個獲認證的百年高空觀測站。設於天文台總部嘅地面觀測站,亦喺一七年獲世界氣象組織認證為首批百年觀測站之一。

  對高空觀測站有興趣嘅市民,可瀏覽天文台設立嘅專題網頁,透過珍貴嘅歷史圖片,了解高空觀測站嘅工作及重要里程。

Kelly Chu


hd