Executive日記——Me2You獲獅城商會頒三獎

  本地初創衝出香港,在海外奪獎!Dory Tech旗下嘅社區資源共享平台Me2You,重新利用閒置資源概念,推動環保同社區互助精神,喺「新加坡好設計二○二一」獲新加坡設計業總商會頒發SG Mark Special Mention。Kelly知道呢個獎唔多香港公司拎到,同期獲獎嘅機構包括惠普及騰訊科技(深圳)有限公司,真係好叻呀!

  呢個以物換物概念平台,連同早前獲頒嘅可持續設計及體驗設計獎項,Me2You今次共收穫三個大獎。Dory Tech聯合創辦人兼行政總裁Stephen Wong話,Me2You通過簡單流暢嘅數碼體驗,將捐助者、企業、非政府組織同埋社會工作者聚集一齊。環境可持續性係Me2You嘅核心價值觀之一,希望通過減少閒置物品進入堆填區,緩解過度消費。

  Stephen話眼見喺疫情初期,防護裝備資源分配不均,即使有人想幫助弱勢群體,都需要一個值得信賴且方便嘅平台。Me2You同好多有驗證嘅非政府組織同慈善機構合作,通過設計分發系統,確保資源畀到合適嘅人,又建立咗一個預訂和抽獎系統,通過二維碼及在線支付,買家可通過簡單登記或預付並領取口罩,慳唔少時間。

Kelly Chu


hd