Executive日記——新世界鄭志剛與「劍神」歎咖啡

  唔少港人得閒個陣都鍾意歎下咖啡,原來東京奧運花劍金牌得主、「劍神」張家朗同新世界發展執行副主席兼行政總裁鄭志剛都係同好。張家朗昨日喺Instagram上載限時動態,圖中可見佢同鄭志剛一齊用膳,兩個笑容滿面合照留念。冇耐鄭志剛就喺IG轉發張家朗嘅限時動態,透露兩人其實都係「Coffee Hunters」(咖啡獵人)。之後張家朗繼續更新限時動態,展示一小杯凍咖啡。兩人聚首一堂,令人聯想可能日後有合作,不過新世界發展發言人就話,有關午宴純屬私人聚會,唔作評論。張家朗除咗劍擊叻,日常生活都好多愛好,佢昨日仲係IG分享自己打遊戲機,仲有食燒肉嘅影片。張家朗爸爸早前亦喺訪問透露,張家朗得閒個陣鍾意睇YouTube、Netfilx、遊車河、打邊爐,又笑個仔「貪靚」,儲咗超過二百對波鞋。

Kelly Chu


hd