Executive日記——灣仔會展「減塑行動」獲獎

  Kelly噚日見到灣仔會展管理公司董事總經理梅李玉霞(Monica,圖左)身穿靚靚旗袍,接過Green Council環保促進會頒發嘅「聯合國可持續發展目標香港成就獎」大獎,表揚會展嘅「減塑行動」,替「會展一姐」開心!更加叻嘅係,會展管理公司仲喺「持份者參與」同「最佳方法」兩個範疇取得最高得分,肯定咗會展喺環保同保護海洋生態方面嘅努力。

  唔講唔知,灣仔會展自二○一八年起全面「走塑」,停用即棄塑膠餐具、飲筒同樽裝飲料等等,至今已為地球減少咗數以百萬件即棄塑膠!即使受疫情影響,會展管理公司仍貫切可持續發展嘅理念,各餐廳都為食客提供「自攜飯盒/杯折扣優惠」。佢哋亦繼續將已分類嘅廚餘運往有機資源回收中心O · PARK1,轉廢為能。仲有一系列持續環保措施,小妹畀Monica一個大like!

Kelly Chu


hd