Executive日記——葉劉批戲曲中心 設計離地甩漏多

  Kelly好鍾意睇粵劇,新民黨主席葉劉淑儀也是戲迷,佢好罕有咁喺立法會上批評戲曲中心嘅設計離地,形容長者到大劇院要企好多條電梯,好似上七重天咁,非常唔方便。

  立法會昨日以不記名方式通過「發展香港成為中外文化藝術交流中心」無約束議案,建議包括政府設立文化、體育及旅遊局、設立專項嘅藝術交流發展基金等。葉劉喺會上指,英國倫敦、奧地利維也納等地嘅歌劇院,觀眾喺中場時間會去洗手間、食吓小食,設施非常完備兼友善,觀眾一出嚟就有洗手間、小食亭,有杯紅酒畀啲人帶入去,但就質疑香港戲曲中心嘅設計離地,甩漏好多。

  葉太指,戲曲嘅觀眾主要係長者,但佢哋要轉乘多條電梯先可以到達大劇院,形容如上「七重天」,非常唔方便,笑言「唔係個個都學我行得咁快」。佢話,戲曲中心嘅英文名「Xiqu Centre」被外界嘲笑,認為如果要將戲曲文化向全世界推廣,英文名應改為「Centre of Chinese Operatic Arts」,可惜呢個錯誤已深入民心。

Kelly Chu


hd