Executive日記——亞博館六億翻新設施 啱晒粉絲打卡

  商台嘅「拉闊音樂會」,闊別樂迷兩年之後,本周一喺亞洲國際博覽館Arena舉行,Kelly幾經艱難先撲到一張飛,但一眾歌手表演精采,仲發現亞博個場好先進好靚,真係好正斗。

  喺疫情下,呢次演唱會入座率上限係八成半,但座無虛席,接待咗八千五百名觀眾,現場氣氛好熱鬧。Kelly見到個場好新好靚,音響又勁,原來亞博館最近開展咗耗資超過六億嘅翻新項目,場內不少設施都係首次用作演唱會用途,連後台都大翻新,配合簡約燈光效果同現代化元素,成為粉絲追星嘅打卡熱點。館內所有洗手間,包括觀眾洗手間同貴賓及表演者專用洗手間都完成裝修,以更先進嘅面貌,提升訪客體驗,仲做足多重消毒措施,絕對無有怕。

  咁好嘅演唱會場地,交通好方便,當日機場快線特別喺演唱會前後時加密至每十分鐘一班車,又安排額外列車隨時配合散場人流需求,返屋企好方便,以後開大型演唱會,小妹一定捧場。

Kelly Chu


hd