Executive日記——李家超自爆「潺仔」 訓練後阿媽認唔出

  「與香港同行」計劃,係畀中三至中六學生有機會成為高官嘅「工作影子」一日,等佢哋可以近距離體驗官員嘅工作。政務司司長李家超都有參與,仲同兩位中四同學傾偈。司長自爆,話自己以前係「潺仔」一名,但接受咗訓練兩個月之後,媽媽竟然認唔到佢,仲唔開門畀佢返屋企呀!

  兩位中四同學Laser及Jobelle喺今個暑假中其中一日,成為李家超嘅「工作影子」。司長將自己六十幾年嘅經歷同工作感受,傾囊相授,勉勵佢哋要相信自己,試多啲不同嘅事情。司長更分享一件爆笑往事,話自己舊時十分「潺仔」,訓練咗兩個月後返屋企,媽媽竟然唔開門畀佢,因為唔認得自己仔仔,更加「砰」埋道門,問佢係邊個。司長無奈地答「我係你個仔」,媽媽最後「憑聲認仔」,司長先有門口入。Kelly好奇,司長訓練前後差別有幾大,先令媽媽認唔到自己。

Kelly Chu


hd