Executive日記——專責洗地台 環保省時慳水 會展新增機械人 清潔好幫手

  科技可以改善營運效率,Kelly知道會展管理公司好積極喺唔同崗位,引用機械人幫手,繼八月引入5G智能機械人Captain C後,最近又引入兩部智能清潔機械人「Harry」和「Hana」,專責清洗地台,預計每次可節省高達八成用水量。

  為進一步節約用水,會展管理公司增聘備有四級過濾系統嘅「Harry」同埋「Hana」,負責清會展中心嘅地台。呢兩位智能清潔機械人效率好掂,每小時可清洗逾三千平方米,每月可為會展中心節省六千公升用水,相較使用傳統人手操作嘅洗地機,更環保省時。現時呢兩位機械人每日喺展覽廳大堂同博覽道入口執行任務。

  至於「Captain C」都好實用,配備360度監察鏡頭,同探測煙霧及火警嘅感應系統,喺會展大堂巡邏,如果見到有人冇戴口罩,會將影像傳送到保安控制室,以便保安員跟進。

  Kelly八到會展都睇緊呢班機械人表現,如果效果好都會考慮增加使用機械人,襯晒善用高科技嘅會展。

Kelly Chu


hd