Executive日記——典亞藝博巧遇霍啟剛夫婦

  正在灣仔會展舉行嘅典亞藝博,除咗有好多參展畫廊、古董店等等之外,香港故宮文化博物館亦設攤檔,介紹籌備建館嘅資料,以及明年開幕之後會有乜藏品展出。

  Kelly日前先睹為快,昨日就見到霍啟剛同太太郭晶晶拍拖去,可見兩口子好鍾意文化藝術,尤其係霍啟剛,佢對中國文化藝術嘅活動特別支持,經常現身支持,仲好謙虛咁話到嚟學習,以身示範推動中國文化藝術,真係難能可得。

  香港故宮文化博物館日前亦喺典亞藝博舉行講座,介紹未來博物館嘅設施,入場人士攞住一個iPad,喺一個佈滿裝置嘅小室內,就可以在iPad熒幕上好似去到敦煌嘅石窟現場一樣,觀賞美麗嘅壁畫,令人好期待博物館嘅開幕。

Kelly Chu


hd