Executive日記——伍家朗8號波求婚成功

  香港羽毛球一哥伍家朗公佈好消息,喺前天八號風球下,向拍拖六年半嘅女友成功求婚。唔少運動員、名人同網民都留言恭賀,笑言一對新人打風都打唔甩!

  家朗話,今次可以話係最成功嘅驚喜,瞞住女友到求婚儀式前一刻先開估,更加估唔到喺佢讀台詞讀到一嚿嚿時,對方都忍唔住喊咗。喺八號風球之下staycation求婚真喺嚇到一額汗,計劃差啲被颱風破壞,好彩有女友嘅老死幫佢策劃同籌備,亦感謝酒店、花店老闆娘、場地佈置同攝影師冒住打風嘅危險繼續將儀式做到一百二十分。

  好消息引來大批人祝賀,包括識講流利中文、今屆東京奧運羽毛球男單金牌得主丹麥嘅安賽龍、港隊游泳代表歐鎧淳、前港隊單車代表馬詠茹、出名係運動迷嘅歌手李克勤等。

Kelly Chu


hd