Executive日記——出席戶外活動拒絕太陽暴曬 葉劉分享保養皮膚秘訣

  今年七十有一嘅新民黨主席、行會成員葉劉淑儀,經常穿旗袍示人,展示美好身段,仲見到又白又滑嘅雙腳,被坊間形容為「修長美腿」。葉劉接受民主思路訪問時,大方分享保養秘訣,飲食、運動習慣全部都關事,但最重要嘅要訣,就係喺戶外活動時拒絕太陽暴曬!

  葉太被主持人問到皮膚如何保養得宜時,大方分享:「不要暴曬,暴曬嘅影響最大,我出去行山,出去活動,最重要是搽防曬」,又話正在用一個法國牌子嘅防曬用品。佢笑言雙腿「一啲都唔修長」,引述「元祖級KOL」蕭若元嘅說法指:「我嘅身體係屬於矮,我嘅腳就無可能修長嘅,都係人哋畀面嘅啫。」

  喺訪問中,葉劉分享平日喜好,例如喜歡喺工餘時間行山,對身體健康也有幫助,「最多都係星期六日,如果立法會休會就盡量去,一係早上,一係黃昏,唔好咁曬」;飲食方面,由於她母親同姨姨都曾患上腸癌,因此早上會食穀物片同士多啤梨,盡量多吃蔬果。

Kelly Chu


hd