Executive日記——族群過盛 入城搵食唔怕人 漁護署隨時向入城野豬下殺令

        愛佢變成害佢!Kelly講緊係餵野豬呀。由於好多行山人士餵野豬,搞到野豬唔怕人,仲由山上走落山,入城搵食,令到近年城市豬蹤處處。漁護署官員首次話,如果問題加劇,不排除向入城嘅野豬下「殺豬令」!

正諮詢意見

  漁護署署長梁肇輝喺立法會委員會上話,過去數個月,野豬喺市區出沒嘅情況似乎有加劇,話當局將野豬送返郊外,以及幫野豬做絕育嘅工作,已經追唔上野豬進入市區嘅速度,所以會考慮將已習慣進入市區嘅野豬人道毁滅,目前正諮詢相關團體嘅意見。

  佢仲表示,野豬進入市區,主要係有人餵飼同垃圾處理不當,佢形容不少市民「愛心爆棚」,即使執法同教育,都繼續餵飼野豬,因此當局有需要「落重手」—即係殺豬令大有機會執行。

Kelly Chu

hd