Executive日記——郭炳江化身整餅師 同基層家庭分享親子樂

  疫情受控,但基層家庭仍需要大家關心同協助,由郭炳江(Thomas)同家人發起嘅捐贈行動,喺過去一年半同超過三十間非牟利機構嘅社工同義工合作,援助超過五十萬人次,分別捐出二十萬個飯盒(每日六百個)、七萬個福袋、緊急援助金近四百萬。Kelly好開心知道,呢啲捐贈每月仲持續緊。

  適逢中秋節,Thomas(後排中)同帝京酒店一班員工落手落腳為受惠基層家庭安排半日嘅親子活動。Thomas預先同酒店大廚陳師傅學整餅,之後化身大廚教一班受助家庭,整餅期間,Thomas不停提醒大家落少啲糖,以免搞到自己咁肥,佢仲話自己減緊肥呀!Thomas又同大家分享面對逆境時,要感謝家人、朋友的互相支持,困難終可以解決得到,他更希望在場嘅父母要堅韌落去。

Kelly Chu

hd