Executive日記——助SEN小朋友及早治療 甘比偕愛女作畫行善製成月曆可網上預購

  有特殊需要(SEN)小朋友嘅笑容,同一般小朋友同樣純真可愛。協康會今年獲劉鑾雄慈善基金、皇室堡全力支持下,早前舉辦慈善月曆作品徵集比賽,獲選作品連同華人置業集團行政總裁陳凱韻(甘比)及其女兒Josie創作嘅畫作「Life is beautiful」,印製成月曆公開義賣,Kelly知道由即日起於協康會網上商店預購!

  甘比兩母女畫作嘅創作靈感,參考佢哋喜歡嘅藝術家Jean-Michel Basquiat嘅風格,Josie用上愉快溫暖嘅色彩、活潑即興嘅筆觸作背景,表達SEN小朋友內心嘅單純快樂;甘比喺畫中都加上佢最喜愛嘅企鵝及奈良美智嘅可愛斜眼女孩。甘比話:「每個小朋友喺父母心目中,也如小王子及小公主一樣珍貴,SEN嘅小朋友也不例外。盼望佢哋可以用笑容去面對生命,社會可以畀佢哋多啲機會。」

  慈善月曆收益扣除成本將撥捐協康會兒童及青年訓練基金,以幫助更多有困難嘅有特殊需要兒童及青年,及早接受治療同訓練。

Kelly Chu


hd